Papa shet “Lambon” në ankand; paratë për bamirësi

21:43 | 13 Maj 2018
Trina Galanxhi

Është shitur në ankand për 715 mijë euro Lamborghini e bardhë që i ishte dhuruar Papa Françeskut dhe që vetë ai e kishte destinuar për financimin e disa projekteve të bamirësisë.

Shifra është bërë e ditur nga Fondacioni Ndihmë për Kishën që Vuan, që është edhe një nga përfiuesit e shifrës. Fondacioni do të mundet kështu të bëjë përpara me planin e tij marshall, për rikthimin e të krishterëve në Irak, pas dëbimeve masive nga Shteti Islamik.

Lamborghini unike “Hurracan” ishte firmosur nga Papa dhe pritej që të shitej nga 250 deri në 350 mijë euro në ankandin e organizuar nga Sotheby’s në Monako.

Supermakina iu dhurua Papës nëntorin e shkuar dhe është prodhuar nga Lamborghini në ngjyrat e Vatikanit. E mrekullueshme si brenda ashtu edhe jashtë, makina kishte 573 kuaj fuqi dhe ishte e pajisur me një motor V10./tch/

Shpërndaje në rrjete sociale

Lajmet më të lexuara

Të ngjashme

Foto lajm